Leita að skýrslu
Nýlegar slysa- og atvikaskýrslur:
Þingvallavegur 20-02-25
Mercedes Benz vörubifreið var ekið norður Þingvallaveg áleiðis að Álftavatni. Ökumaður vörubifreiðarinnar missti stjórn á bifreiðinni skömmu fyrir gatnamót við Vaðlækjarveg með þeim afleiðingum að bifreiðin snérist á veginum og valt. Lést ökumaðurinn í slysinu.
SkýrslaTillaga í öryggisátt:
25-006U001T01. Mat á hálkuvörnum á Þingvallavegi við Álftavatn
25-006U001T02. Öryggisúttekt á undirbyggingu vegar 20.02.2025
Sæbraut við Súðarvog
Gangandi vegfarandi á leið þvert yfir Sæbraut, á ljósastýrðri gönguleið, við Súðarvog. Á sama tíma var Audi A4 fólksbifreið ekið norður Sæbraut og á gangandi vegfarandann á vinstri akrein Sæbrautar til norðurs. Hann lést samstundis. Í skýrslunni kemur fram að Audi bifreiðinni var ekið yfir tvöföldum hámarkshraða og að rautt gangbrautarljós var á gönguleiðinni þegar vegfarandinn fór yfir Sæbraut.
Skýrsla 29.09.2024Skagavegur
Toyota fólksbifreið var ekið norður Skagaveg. Missti ökumaður stjórn á bifreiðinni í vinstri beygju á malarvegi og ók á vegrið einbreiðrar brúar. Bifreiðin hafnaði á hvolfi í ánni og ökumaður, sem var erlendur ferðamaður, lést í slysinu.
SkýrslaTillaga í öryggisátt:
24-047U016T01. Öryggisúttekt á umferðarmerkjum við einbreiðar brýr
24-047U016T02. Úttekt á öryggiskröfum brúarhandriða 24.09.2024
Hringvegur við Hraunsnef
Mercedes Benz fólksbifreið var ekið norður hringveginn í Borgarfirði. Rétt norðan við Hraunsnef var henni ekið framan á Toyota fólksbifreið sem var ekið úr gagnstæðri átt. Ökumaður Mercedes Benz bifreiðarinnar lést á slysstað en ökumaður og farþegi Toyota bifreiðarinnar slösuðust alvarlega.
Skýrsla 09.06.2024
Eyjafjarðarbraut eystri
BMW fólksbifreið ekið Eyjafjarðarbraut eystri til norðurs. Um 1.150 metrum norðan við gatnamót Miðbrautar og Eyjafjarðarbrautar eystri fór bifreiðin út af veginum hægra megin, eftir að ökumaður missti stjórn á henni. Ökumaður og farþegi létust í slysinu. Í skýrslunni kemur fram að um ofsaakstur var að ræða.
Skýrsla 24.04.2024Heiðmerkurvegur
Sherco bifhjóli var ekið suðaustur Heiðmerkurveg. Um 2,3 km frá gatnamótum við Elliðavatnsveg missti ökumaður stjórn á bifhjólinu svo það fór út fyrir veg, yfir á kjarr- og móavaxið hraun vestan megin vegarins. Hann kastaðist af hjólinu og lést af völdum fjöláverka. Ökumaður var ekki með ökuréttindi fyrir bifhjól. Skráningarnúmer bifhjólsins var innlagt hjá skoðunarstofu.
Skýrsla 07.03.2024Reykjanesbraut við Straumsvík
Nissan fólksbifreið var ekið suðvestur Reykjanesbraut við Straumsvík í Hafnarfirði. Á sama tíma var Volvo vörubifreið með festivagn ekið úr gagnstæðri átt. Í framhaldi lenti fólksbifreiðin framan á vinstra framhorni vörubifreiðarinnar. Ökumaður fólksbifreiðarinnar slasaðist alvarlega í árekstrinum og lést átta dögum síðar. Ökumaður vörubifreiðarinnar slasaðist ekki.
Skýrsla 30.01.2024Suðurlandsvegur við Eystri Sólheima.
Massey Ferguson dráttarvél var ekið vestur Suðurlandsveg við afleggjara að Eystri-Sólheimum. Á sama tíma var Jeep Wrangler fólksbifreið ekið úr sömu átt og aftan á dráttarvélina. Ökumaður dráttarvélarinnar lést á slysstað.
SkýrslaTillaga í öryggisátt:
24-007U004T01. Ákvæði um vanhæfismörk ökum. v. neyslu lyfja
24-007U004T02. Ákvæði um samræmingu á merkingum lyfja 29.01.2024
Vesturlandsvegur við Hvalfjarðarveg
BMW fólksbifreið var ekið suður Vesturlandsveg við Hvalfjarðarveg. Á sama tíma var tveimur vörubifreiðum ekið úr gagnstæðri átt. BMW bifreiðinni var ekið yfir á vinstri vegarhelming akbrautarinnar utan í hlið fremri vörubifreiðarinnar og eftirvagns. Í framhaldi lenti fólksbifreiðin framan á vinstra framhorni aftari vörubifreiðarinnar. Ökumaður fólksbifreiðarinnar lést á slysstað og slasaðist farþegi fólksbifreiðarinnar alvarlega.
Skýrsla 16.01.2024Suðurlandsvegur við Skaftafell
Dacia fólksbifreið ekið norðaustur Suðurlandsveg við Skaftafell. Á sama tíma var Audi fólksbifreið ekið úr gagnstæðri átt suðvestur Suðurlandsveg. Um 180 metrum suðvestan við gatnamótin að Skaftafellsvegi fór Audi bifreiðin yfir á rangan vegarhelming og framan á Dacia bifreiðina í hörðum árekstri. Tveir farþegar í Dacia bifreiðinni létust í slysinu.
SkýrslaTillaga í öryggisátt:
24-002U002T01. Þéttari staðsetningar fyrstu viðbragðsaðila á Suðausturlandi 12.01.2024