Leita að skýrslu
Nýlegar slysa- og atvikaskýrslur:
Örlygshafnarvegur við Látravík
Bifreið var ekið niður brattan veg í átt að Látravík. Ökumaðurinn missti stjórn á bifreiðinni þannig að hún fór út af veginum úr miðri beygju og niður fyrir hann þar sem hún valt. Ökumaðurinn var einn í bílnum og lést hann í slysinu.
Skýrsla 12.11.2021Hjólastígur við Sæbraut
Rafhlaupahjóli og rafknúnu léttu bifhjóli var ekið úr gagnstæðum áttum á hjólastíg við Sæbraut. Rákust hjólin saman í hörðum árekstri með þeim afleiðingum að ökumaður rafhlaupahjólsins lést og ökumaður létta bifhjólsins slasaðist alvarlega.
SkýrslaTillaga í öryggisátt:
Endurskoðun umferðarlaga
Öryggisúttekt 10.11.2021
Hvalfjarðarvegur
Ökumaður pallbifreiðar ók suður Hvalfjarðarveg. Við félagsheimilið Félagsgarð missti hann stjórn á bifreiðinni í hálku með þeim afleiðingum að hún fór út fyrir veginn og valt. Einn farþegi var í bifreiðinni og köstuðust bæði ökumaður og farþegi út úr bifreiðinni í veltunni. Þeir voru ekki spenntir í öryggisbelti og lést farþeginn í slysinu.
Skýrsla 03.11.2021Kauptún Urriðaholtsstræti
Gangandi vegfarandi gekk út á akrein í veg fyrir bifreið. Vegfarandinn var ekki á merktri leið fyrir gangandi vegfarendur. Hann gerði sér sennilega ekki grein fyrir að á akreininni næst honum var grænt ljós fyrir akstursleið bifreiðarinnar, en á fjær akreininni var bifreið kyrrstæð á móti rauðu beygjuljósi. Vegfarandinn lést af völdum áverka sem af slysinu hlutust.
SkýrslaTillaga í öryggisátt:
Varhugaverð gatnamót
Hönnun á umferðarmannvirkjum fyrir alla vegfarendur 17.02.2021
Seljaskógar Engjasel
Maður féll af reiðhjóli sínu og slasaðist alvarlega snemma morguns eða seint um nótt. Hann fannst liggjandi meðvitundarlaus við gangstíg milli Seljaskóga og Engjasels. Maðurinn lést nokkru síðar á sjúkrahúsi.
Skýrsla 16.01.2021Djúpvegur í Skötufirði
Bifreið var ekið út Skötufjörð í átt að Ísafirði. Ökumaðurinn missti stjórn á bifreiðinni þannig að hún snerist, rann út af veginum og valt niður í sjó. Tveir farþegar létust í slysinu.
SkýrslaTillaga í öryggisátt:
Áhættugreining aðgerða
Fjarlækningar og önnur ráð 16.01.2021
Heydalsvegur Haffjarðardalsgil 4.10.2020
Ökumaður fólksbifreiðar missti stjórn á bifreið sinni og ók út af Heydalsvegi rétt handan við vegræsi. Ökumaðurinn reyndi að aka bifreiðinni aftur upp á veginn en tók ekki eftir vegræsinu og endastakst bifreiðin niður í hyl við ræsisopið. Tveir einstaklingar voru í bílnum og annar þeirra lést.
SkýrslaTillaga í öryggisátt:
Vegræsi 04.10.2020
Suðurlandsvegur Stigá
Ökumaður á bifhjóli var á austurleið rétt vestan við Stigá. Stuttu áður en hann kom að brúnni byrjaði hjólið að skjálfa eða skakast til með þeim afleiðingum að ökumaðurinn missti stjórn á því, féll og rann eftir veginum. Hann rakst utan í bifreið sem ekið var úr gagnstæðri átt og kastaðist út fyrir veg. Ökumaðurinn lést af völdum áverka sem hann hlaut í slysinu.
SkýrslaTillaga í öryggisátt:
Hlífðarbúnaður bifhjólamanna 15.08.2020
Norðausturvegur 23.7.2020
Ökumaður fólksbifreiðar ók ölvaður á ofsahraða norður Norðausturveg. Skammt sunnan við vegamótin að Hófaskarðsleið missti ökumaðurinn stjórn á bifreiðinni með þeim afleiðingum að bifreiðin fór út af veginum og valt. Ökumaðurinn, sem var einn í bifreiðinni, lést í slysinu.
Skýrsla 23.07.20202020-073-U010 Skeiðavegur við Stóru-Laxá
Síðdegis þann 10. júlí 2020 ók ökumaður á norðausturleið við vegamót Auðsholtsvegar og Skeiða- og Hrunamannavegar yfir á rangan vegarhelming til að forðast aftanákeyrslu á bifreið við vegamótin þar sem ökumaður þeirra bifreiðar var að undirbúa vinstri beygju. Á sama tíma kom bifreið úr gagnstæðri átt og varð harður árekstur með þeim afleiðingum að ökumaðurinn sem ók á röngum vegarhelmingi lést af völdum áverka sem hann hlaut í slysinu.
Skýrsla 10.07.2020