Lög um RNSA, 35. gr.
Leita
Talstöðvarskanna í flugvallaþjónustutæki
Tillaga í öryggisátt
RNSA beinir því til Isavia að setja talstöðvarskanna í öll flugvallarþjónustutæki, sem notuð eru reglulega við vinnu á flugbrautum, þar sem mögulegt er að vera með hlustun á bæði turn- og grundbylgju.
Afgreiðsla
Verklag varðandi tímasetningu heimilda
Tillaga í öryggisátt
RNSA beinir því til Isavia og Isavia ANS að meta verklag varðandi tímasetningu heimilda.
Afgreiðsla
Rýni á þjálfun og verklagi
Tillaga í öryggisátt
Rannsóknarnefnd samgönguslysa beinir því til Isavia ANS og Isavia Innanlands að rýna þjálfun og verklag flugumferðarstjóra í flugturninum á Reykjavíkurflugvelli með tilliti til aukins álags.
Afgreiðsla
Uppfæra loftrými við BIRK
Tillaga í öryggisátt
Rannsóknarnefnd samgönguslysa beinir því til Samgöngustofu að meta hvort þörf sé á að uppfæra loftrýmið í kringum Reykjavíkurflugvöll úr loftrýmisflokki D yfir í loftrýmisflokk C.
Afgreiðsla
Samgöngustofa hefur lokið mati á tillögunni með ítarlegri öryggisgreiningu (safety assessment). Niðurstaða Samgöngustofu var að leggja ekki til endurflokkun loftrýmisins á þessu stigi.
Reconsider Airworthiness Life Limit
Tillaga í öryggisátt
SIA- Iceland recommends to Textron Aviation to reconsider (lower) the 10,000 flight cycles airworthiness life limit of the door hooks, or to perform design changes to improve its endurance.
Afgreiðsla
Reglugerð vegna tilkynningaskyldu köfunarslysa
Tillaga í öryggisátt
RNSA beinir því til Innviðaráðuneytisins að það innleiði reglugerð/breytingu er varðar tilkynningaskyldu og upplýsingagjöf til RNSA vegna köfunarslysa, til samræmis við tilkynningarskyldu sem finna má í 16. grein laga nr. 18/2013 um rannsókn samgönguslysa.
Afgreiðsla
Halda köfunardagbók
Tillaga í öryggisátt
RNSA beinir því til Sportköfunarskóla Íslands (dive.is) að köfunardagbók sé haldin af köfunarformanni á vegum fyrirtækisins í samræmi við þær kröfur sem gerðar eru í viðauka I við reglugerð 535/2001.
Afgreiðsla
Verklagsreglur um notkun miðla
Tillaga í öryggisátt
Rannsóknarnefnd samgönguslysa beinir því til Isavia ohf, Isavia Innanlandsflugvalla ehf og Isavia ANS ehf, sem veita flugumferðarþjónustu, að fullmóta og setja verklagsreglur um notkun miðla í vinnurýmum flugumferðarþjónustu.
Afgreiðsla
Isavia ANS ehf:
Þann 14.01.2025 gaf Isavia ANS, út verklag VR400 35 Ábyrg notkun miðla. Í því kemur fram að notkun miðla er óheimil í vinnustöðu flugumferðarstjóra, en verklagið er eftirfarandi:
Tilgangur og umfang
Setja reglur um ábyrga notkun miðla í rýmum flugleiðsögu.
Skilgreining
Miðill: Samheiti yfir raftæki sem notuð eru til afþreyingar, s.s. farsímar, spjaldtölvur, tölvur, og sjónvörp (útvörp) þar sem efni er miðlað og ætlað til afþreyingar þar með talið leikir, íþróttaviðburðir o.s.frv.
Hafa ber í huga að önnur afþreying getur haft sömu áhrif á athygli notenda og raftæki, til dæmis lestur bóka, flókin handavinna og úrvinnsla erfiðra þrauta.
Framkvæmd
Fyrirkomulag á notkun miðils í vinnurýmum flugleiðsögu:
Notkun miðla, samkvæmt skilgreiningu að ofan, er óheimil í vinnustöðu flugumferðarstjóra. Vaktstjórnandi getur veitt undanþágu frá meginreglunni, til dæmis þegar engin umferð er í flugstjórnarsviði eða lítil umferð á næturvakt. Hafa ber í huga að notkun miðla í eða nálægt vinnustöð flugumferðarstjóra má undir engum kringumstæðum hafa truflandi áhrif.
Þátttaka í fundum úr vinnustöðu er ekki leyfileg.
Isavia Innanlandsflugvellir ehf:
Isavia Innanlandsflugvelllir kaupa ATC þjónustu af Isavia ANS. Við lítum svo á að þetta sér mál sem starfsleyfishafi á að leysa en við sem þjónustukaupi munum fylgja því eftir að úrbótatillögur sem tengjast þessu máli verði framfylgt.
Isavia ohf:
Þann 5.02.2025 gaf Isavia ohf, út verklag VR720 15 Ábyrg notkun miðla í flugturni á Keflavíkurflugvelli, en verklagið er eftirfarandi:
Tilgangur og umfang
Tryggja sameiginlegan skilning og verklag hvað varðar ábyrga notkun miðla í vinnurými flugturns, 7. hæð, þar sem veitt er flugumferðarþjónusta (ATS).
Skilgreiningar
Miðill: Samheiti yfir raftæki sem notuð eru til afþreyingar, s.s. farsímar, spjaldtölvur, tölvur, sjónvörp og annað þar sem efni er miðlað og ætlað til afþreyingar.
Hafa ber í huga að önnur afþreying getur haft sömu áhrif á athygli notenda og miðlar.
Stýring á virkri umferð: Þegar starfsfólk veitir flugumferðarþjónustu eða mun veita hana innan stundar. Á við um loftför, ökutæki og annað sem kann að falla undir flugumferðarþjónustu
Fyrirkomulag á notkun miðla í vinnurými flugturns á 7. hæð:
Notkun miðla, samkvæmt skilgreiningu að ofan, er óheimil í vinnustöðu þegar starfsfólk stýrir virkri umferð í svæði BIKF eða á tíðni flugturns.
Þegar engin virk umferð er í svæði BIKF eða á tíðnum flugturns er starfsfólk hvatt til að sýna fagmennsku í vinnustöðu og nota ekki miðla nema í undantekningartilvikum eða þegar brýna nauðsyn krefur og ekki er unnt að leysa starfsfólk af.
Hafa ber í huga að notkun miðla í eða nálægt vinnustöðu má undir engum kringumstæðum hafa truflandi áhrif.
Útvíkkað verklag
Tillaga í öryggisátt
Rannsóknarnefnd samgönguslysa beinir því til Isavia ohf, Isavia ANS ehf og Isavia Innanlandsflugvalla ehf að skoða hvort útvíkka megi verklag, sambærilegt við verklagið í viðauka B, þannig að það nái ekki eingöngu yfir ótímabundið leyfi ökutækja á flugbrautum og akbrautum flugvéla.
Afgreiðsla
Myndbandsupptökubúnaður við starfstöðvar
Tillaga í öryggisátt
Rannsóknarnefnd samgönguslysa beinir því til Isavia ohf, Isavia ANS ehf og Isavia Innanlandsflugvalla ehf að fyrirtækin komi fyrir myndbandsupptökubúnaði við starfstöðvar flugumferðarstjóra sem ætlaðar eru til aðstoðar við rannsóknir á vegum RNSA.