Tillögur í öryggisátt Síða 13

Afgreiðsla

Isavia:

• Í því skyni að styðja við tímanlega boðun voru búnar til æfingar og æfingaáætlun þar sem ætlast er til að stutt boðunar-æfing fari fram a.m.k. vikulega (SR15005,SR19018).
• Í skýrslu RHA (Rannsóknarhópur atvika) um atvikið kom fram að boðunarlisti var ekki á þeim stað sem viðkomandi flugumferðarstjóri gerði ráð fyrir. Í dag er virkt, daglegt, eftirlit til að tryggja að gátlista-mappa sé á réttum stað og að innihald hennar sé eins og það á að vera (SR15005,SR19018).
• Neyðargátlistar flugturnsins í Keflavík voru uppfærðir og samræmdir við gátlista annarra flugturna.
• Sérstök áhersla var lögð á boðun í síþjálfun ársins 2014 og neyðarviðbrögð eru árlega á dagskrá síþjálfunar.

Afgreiðsla

Í lokaskýrslu sem gefin var út 28. nóvember 2019 beinir RNSA til Samgöngustofu tillögu í öryggisátt, þar sem mælst er til þess að tilgreint verði flugæfingasvæði í nágrenni BIRK og BIKF sem hafi efri mörk að minnsta kosti 5000 fet yfir jörðu.

Samgöngustofa hefur í samvinnu við hagsmunaaðila skoðað og metið tillöguna. Flókið er að koma fyrir æfingasvæði í nágrenni BIKF og BIRK sem nær svo hátt vegna aðflugsferla inn til flugvallanna. Lausnin væri að hafa svæðið lengra frá BIKF og BIRK en við slíkt dregur mjög úr áhuga á notkun. Með vísan einnig í áhrif veðurs á hvaða staðsetning hentar best fyrir æfingar hverju sinni og skynsemi þess að beina öllu æfingaflugi á eitt og sama svæðið þá var niðurstaðan sú að skilgreina ekki sérstakt æfingasvæði. Þess í stað var haft samráð við Isavia ANS að bregðast jákvætt við óskum um flugæfingar í nágrenni BIRK og BIKF og reyna eftir fremsta megni að finna loftförum svæði til flugæfinga, að teknu tilliti til veðurs og annarrar flugumferðar.