Leita
Regularly review the FOD program
Tillaga í öryggisátt
Review regularly the FOD program and procedures associated, to ensure that runways are as far as possible clear of debris.
Afgreiðsla
Isavia hefur unnið úrbætur vegna úrbótatillögu 18-104F018 T01 “ Regularly review the FOD Program “ og gefið út uppfært skjal VR700 12 -2 Öryggisáætlun vegna FOD sem tekur til uppfærslu og endurskoðunar . Skjalið var gefið út 26.4.2021.
Til þess að tryggja að öryggisáætlun um FOD sé sem viðtækust skal vera fjallað um FOD að lágmarki hér:
(I) Nýliðafræðslu Isavia (allir starfsmenn)
(II) Fræðsluefni um öryggisvitund (allir starfsmenn sem fá aðgangsheimild)
(III) Öryggisreglum Isavia fyrir Keflavíkurflugvöll
(IV) Öryggishandbókum flugafgreiðsluaðila
(V) VR flugvallarþjónustu
(VI) Öryggisviku/dögum Isavia
(VI) Í öðru útgefnu efni
Upplýsingar og tilkynningar um FOD eru skráðar í Opscom af Isavia. Fylgst er með tíðni, umfang og eðli FOD tilkynninga og gripið til aðgerða í samræmi við það. Fjallað er um FOD á samráðsfundum með flugrekendum og flugafgreiðsluaðilum, Hlaðöryggisfundum (Apron safety meetings).
Atriði í áætluninni er hluti af úttektarviðmiðum flugafgreiðsluaðila.
Öryggisáætlun um FOD er uppfærð með hliðsjón af ofangreindu.
Samhliða voru eftirfarandi atriði einnig uppfærð:
- HB700 01 Öryggisreglur Keflavíkurflugvallar
- Nýliðafræðsla
- VR710 13 Eftirlit og mælingar á athafnasvæðum loftfara
- 139/2014 um Areodrome safety programmes og committees
Takmarka fjölda tímabundinna breytinga á SOP
Tillaga í öryggisátt
RNSA beinir eftirfarandi tillögum í öryggisátt til Icelandair:
- Að félagið hugi að því að takmarka fjölda tímabundinna breytinga á staðlaðri flughandbók (SOP) á milli skipulagðra hálfsársútgáfa, til þess að gefa flugmönnum færi á að meðtaka breytingarnar.
Afgreiðsla
Icelandair hefur síðan 2018 ekki gert tímabundnar breytingar á SOP (temporary revision).
Tiltaka hvaða RNAV skuli nota í aðflugi
Tillaga í öryggisátt
RNSA beinir eftirfarandi tillögum í öryggisátt til Isavia og dótturfyrirtækis þess Isavia ANS:
- Að Isavia taki fyrir í síþjálfun flugumferðarstjóra verkferla í MANOPS er snúa að því að tiltaka ávallt hvaða RNAV feril skuli notast við að flugbraut, ef tveir eða fleiri RNAV ferlar hafa verið settir upp fyrir flugbrautina.
Afgreiðsla
Isavia ANS: Þetta verður tekið fyrir í síþjálfun veturinn 2020-2021.
Uppfæra AIP m.t.t. aðgengi að eldsneyti
Tillaga í öryggisátt
RNSA beinir því til Samgöngustofu að uppfæra Flugmálahandbók Íslands (AIP) er varðar upplýsingar um aðgengi að eldsneyti á flugvöllum landsins.
Afgreiðsla
Samgöngustofa hefur í samvinnu við hagsmunaaðila skoðað og metið tillöguna. Úttekt var gerð á upplýsingum í AIP um aðgengi að eldsneyti á flugvöllum landsins og komu í ljós minniháttar atriði sem þörfnuðust uppfærslu. Þá hefur verklagi einnig verið breytt til að tryggja að ef af einhverri ástæðu auglýst eldsneyti er tímabundið ekki í boði, þá verði gefið út NOTAM.
Flugmálahandbók Íslands (AIP) hefur verið uppfærð er varðar upplýsingar um aðgengi að eldsneyti á flugvöllum landsins.
Uppfæra framsetningu á NOTAMs
Tillaga í öryggisátt
RNSA beinir eftirfarandi tillögum í öryggisátt til Samgöngustofu:
- Með tilliti til útbreiddrar nútímatækni við myndræna upplýsingaöflun leggur RNSA til að Samgöngustofa beiti sér fyrir á alþjóðavettvangi (hjá ICAO) að framsetning NOTAM sé uppfærð yfir á myndrænt form, þar sem það á við.
Afgreiðsla
Óafgreitt af Samgöngustofu.
Uppfæra framsetningu á SIGMET
Tillaga í öryggisátt
RNSA beinir eftirfarandi tillögum í öryggisátt til Samgöngustofu:
- Með tilliti til útbreiddrar nútímatækni við myndræna upplýsingaöflun leggur RNSA til að Samgöngustofa beiti sér fyrir á alþjóðavettvangi (hjá ICAO) að framsetning á upplýsingarflæði til flugmanna sé uppfærð með myndrænni framsetningu þeirra svæða sem SIGMET skeyti eiga við.
Afgreiðsla
Óafgreitt af Samgöngustofu.
Uppfæra hraða í flugtölvum við undirbúning aðflugs
Tillaga í öryggisátt
RNSA beinir eftirfarandi tillögum í öryggisátt til Icelandair:
- Að félagið íhugi að yfirfara verklagsleiðbeiningar þannig að flugmenn félagsins uppfæri hraða í flugtölvum við undirbúning aðflugs, í samræmi við hleðslu flugvélar og veðuraðstæður, þannig að hraðar sjálfstýringarbúnaðar séu rétt upp settir fyrir aðflug.
Afgreiðsla
Óafgreitt af Icelandair.
Vöktun fylgni flugvéla við heimilaða flugleið
Tillaga í öryggisátt
RNSA beinir eftirfarandi tillögum í öryggisátt til Isavia og dótturfyrirtækis þess Isavia ANS:
Að hugað verði að innleiðingu á búnað (Approach Path Monitoring) í flugumferðarstjórnunarkerfi Isavia fyrir aðflug til Keflavíkurflugvallar og Reykjavíkurflugvallar (FAXI TMA), sem og fyrir Keflavíkurflugvöll (BIKF TWR) og Reykjavíkurflugvöll (BIRK TWR) sem vakti fylgni flugvéla í stjórnuðu loftrými við heimilaða flugleið.
Afgreiðsla
Kerfi sem vaktar að ferill flugvélar sé í samræmi við útgefna flugheimild er á þróunaráætlun Isavia ANS. Innleiðingardagsetning hefur ekki verið ákveðin.
Þétta net sölustaða Avgas 100LL á flugvöllum landsins
Tillaga í öryggisátt
RNSA beinir því til Samgönguráðuneytisins að beita sér fyrir þéttingu nets sölustaða Avgas 100LL eldsneytis á flugvöllum landsins.
Afgreiðsla
Óafgreitt af Samgönguráðuneytinu.