Slysa- og atvikaskýrslur

Nýlegar slysa- og atvikaskýrslur:

Olís við Álfheima

Sprenging varð í þrýstigeymi tvíorkubifreiðar þegar ökumaður hennar var að fylla á hann metaneldsneyti. Sprengingin var öflug. Kastaðist ökumaðurinn frá bifreiðinni, tvö önnur ökutæki skemmdust einnig og tveir aðilar hlutu áverka.

Skýrsla
Tillaga í öryggisátt:
Eftirlit með þrýstigeymum 13.02.2023
Umferðarsvið

Barónsstígur Grettisgata

Rafhlaupahjóli var ekið austur Grettisgötu að Barónsstíg. Einstefna er vestur Grettisgötu. Á sama tíma var Mercedes Benz hópbifreið ekið norður Barónsstíg. Ökumaður rafhlaupahjólsins varð fyrir hópbifreiðinni og lést samstundis.

Skýrsla 19.11.2022
Umferðarsvið

Akrafjallsvegur

Bílvelta varð á Akrafjallsvegi skammt vestan við Innnesveg. Bifreið sem var ekið hratt í vesturátt rann til vinstri, í hægri beygju við framúrakstur, út fyrir veg og endastakkst nokkrum sinnum. Ökumaður var einn í bifreiðinni og lést hann í slysinu. 

Skýrsla 22.07.2022
Umferðarsvið

Meðallandsvegur

Bílvelta varð á Meðallandsvegi skammt sunnan Kirkjubæjarklausturs. Bifreið, sem ekið var hratt í norðausturátt, rann til vinstri í hægri beygju, út fyrir veg og endastakkst nokkrum sinnum. Farþegi í miðju aftursæti lést í slysinu.

Skýrsla 08.07.2022
Umferðarsvið

Innri-Gleðivík Djúpavogi

Þann 21. júní 2022 var gangandi vegfarandi staddur á Víkurlandi á Djúpavogi. Meðfram 180 metra kafla af veginum er listaverk sem telur 34 stækkaðar eftirlíkingar af fuglaeggjum. Vegfarandinn var við eitt af eggjunum. Á sama tíma var vinnuvél ekið suður Víkurland frá hafnarbakka í Innri-Gleðivík áleiðis að fiskmarkaði Djúpavogs, um 1 km leið. Fiskfarmur í fjórum fiskikörum var á lyftaragöfflum vinnuvélarinnar. Vinnuvélinni var ekið á vegfarandann sem lést af völdum áverka sem af slysinu hlutust.

Skýrsla
Tillaga í öryggisátt:
Bætt öryggi vegfarenda við listaverk á hafnarsvæði
Breytingar á skipulagi sveitarfélagsins
Umferðaröryggisáætlun sveitarfélaga 21.06.2022
Umferðarsvið

Suðurlandsvegur vestan Kúðafljóts

Kia Picanto fólksbifreið var ekið norðaustur Suðurlandsveg skammt vestan við Kúðafljót. Á sama tíma var Mercedes Benz sendibifreið ekið úr gagnstæðri átt vestur Suðurlandsveg. Kia bifreiðinni var ekið yfir á vinstri akrein og framan á sendibifreiðina í hörðum árekstri.

Skýrsla
Tillaga í öryggisátt:
Forvarnir um svefn og þreytu hjá ökumönnum
Heildaráætlun um samræmingu vegflokka við vegtegundir 16.06.2022
Umferðarsvið

Suðurlandsvegur austan Brunnár

Vörubifreið með festivagn, sem ekið var austur Suðurlandsveg, fauk á hliðina og út af veginum. Farþegi í bifreiðinni lést af völdum áverka sem af slysinu hlutust.

Skýrsla
Tillaga í öryggisátt:
Áhættumat og öryggisáætlun
Betri veðurgögn
Fræðsla um veðurfræði
Veðurfréttir 03.02.2022
Umferðarsvið

Laugar í Reykjadal

Nemandi við Framhaldsskólann á Laugum renndi sér á snjóþotu niður bratta brekku vestan við skólann og upp á Austurhlíðarveg. Á sama tíma var fólksbifreið ekið til suðurs eftir Austurhlíðarvegi og á nemandann á snjóþotunni. Nemandinn lést af völdum áverka sem af slysinu hlutust. Skýrsluna má finna hér: Framhaldsskólinn á Laugum.

Skýrsla
Tillaga í öryggisátt:
Áhættumat og öryggisáætlun f. Framhaldsskólann á Laugum
Umferðaröryggisáætlun sveitarfélaga 02.02.2022
Umferðarsvið

Suðurlandsvegur austan við Þingborg

Toyota Land Cruiser bifreið var ekið austur Suðurlandsveg, um 1,2 km austan við Þingborg. Á sama tíma var Volvo XC 60 fólksbifreið ekið úr gagnstæðri átt vestur Suðurlandsveg í framúrakstri á vinstri akrein og framan á Toyota bifreiðina í hörðum árekstri.

Skýrsla 20.12.2021
Umferðarsvið

Gnoðarvogur við Skeiðarvog

Vegfarandi gekk á grænu gönguljósi út á gangbraut sem liggur þvert yfir Gnoðarvog rétt vestan gatnamótanna við Skeiðarvog. Strætisvagni var á sama tíma ekið suðvestur Skeiðarvog og beygt til hægri, einnig á grænu ljósi, norðvestur inn á Gnoðarvog. Vegfarandinn varð undir hægri hlið strætisvagnsins og lést í slysinu.

Skýrsla
Tillaga í öryggisátt:
Öryggisáætlun og áhættumat
Öryggisúttekt á slysstað 25.11.2021
Umferðarsvið