Rannsóknarnefnd samgönguslysa (RNSA) stefnir á að vera til fyrirmyndar með því að draga markvisst úr úrgangi, orkunotkun frá starfseminni og vinna að bættum samgöngumáta með umhverfið að leiðarljósi. RNSA vill leggja sitt af mörkum til að markmiðum Grænna skrefa sé náð og taka þannig virkan þátt í umhverfisstefnu ríkisins.
Fram til 2030 mun RNSA stefna á að draga úr losun gróðurhúsalofttegunda (GHL) um samtals 40% miðað við árið 2018.
Stefna þessi tekur mið af skuldbindingum íslenskra stjórnvalda gagnvart Parísarsamningnum og yfirlýsingu forstöðumanna stofnana ráðuneytis um samdrátt í losun GHL og kolefnishlutleysi.
Stefnan nær til samgangna á vegum RNSA, orkunotkunar, úrgangsmyndunar og umhverfisfræðslu.
Loftslagsstefna RNSA er rýnd af stofnuninni og markmið uppfærð með tilliti til þróunar á losun GHL á milli ára.